絲絲講場：IT出身華爾街證實最吸金
你估吓，賺最多嘅華爾街才俊讀咩出身？金融？唔係喎。平均嚟計，賺得最多錢嘅係主修「電腦科學」，「會計、商業及金融」排到第四咋。
仲有華爾街文科仔都唔少，主修「人文科學」（即是歷史、地理、政治）嘅排第八位，而主修「英國文學」一樣喺華爾街有市場。
呢啲資料來自薪酬網站，佢哋搜集咗840位金融才俊，由分析師、Associate、副總裁（VP）問到董事，包括花旗、JP Morgan、巴克萊、美銀美林，仲有對沖基金。
佢哋仲發現，人工最高嘅嗰幾位分析師、Associate、VP同董事，頭三位依次都竟然一樣係主修「管理及策略」、「會計、商業及金融」、同「數學及統計」！真係有咁啱定點呢可。
余絲韻