內地「二孩」兩個字依家非常咁Hit，連國壽海外副總裁兼香港分公司總經理于泳不論在公定在私，都忙住搞「二孩」。
事緣內地結束「一孩政策」，在公嗰方面，做保險嘅于總把握商機，同內地育兒網公司中國育兒網絡（08361）合作，希望通過內地育兒平台介紹多啲內地父母嚟香港幫ＢＢ買保險。佢話香港奶粉有限購，但保險冇限購，提父母除咗嚟香港買奶粉，記得順手幫ＢＢ同媽咪開份香港保單。
至於在私，于總話要把握時機生多個，佢話之前都仲有啲遲疑，怕養多個責任大，應付唔嚟。但呢排睇咗啲育兒網資訊，好似又有番啲信心咁話。
余絲韻