作為倫敦金的經紀又有幾好賺？以為入行賺錢好容易，戴名錶揸跑車，年薪過百萬嗎？事實上，雖然入行的學歷要求並不高，惟工作幾近要二十四小時與客人溝通，又要金睛火眼留意黃金市況，接受過「地獄式」磨練才能成為「超級經紀」。
張迺信表示，在面試過程中，公司會特別留意面試人的個人品格、對市場的敏感度及金融業的興趣。學員被取錄前，亦要先上一連五日的訓練課程，學習黃金買賣方法，直至最後一天才會收到正式錄用通知。
「公司一開始會將部分現有客戶但不太活躍的戶口畀新人跟進，亦要求佢哋自己搵客，好似warm call，睇吓身邊有冇朋友referral，甚至cold call。」他又指，新人若未能在首兩、三個月內吸納任何客人，大致不會通過試用期。
至於薪酬方面，張迺信指，敦沛為新入行的經紀提供200元一日的津貼，一個月返足工作天會有額外2,000元，通過試用期則有9,000元底薪，其餘靠佣金收入。新入職的經紀與公司佣金拆帳為50%，最高可達90%。
他直言，即使經紀成功開立客人戶口或把客人戶口由一間公司轉移至公司，一旦未有任何交易，亦不會有佣金收入，故「有客都未必有錢」。不過，行內也不乏年薪過百萬的「超級經紀」。張迺信指，「經紀一個月賺過百萬我都見過，其實年薪過百萬都算普遍，只要捱過頭兩至三年，客人數目累積而上，自然就會年薪過百萬。」