瑞銀財富管理北亞太區前首席投資總監浦永灝無見一排，原來半年前同幾位猛人自立門戶，開設投資管理公司弘源資本，依家係弘源資本創始合夥人兼首席投資官。
其實就喺上個月，證監會已經向弘源資本發咗三個牌，分別係「1號」（容許公司從事證券交易）、「4號」（就證券提供意見）、同埋「9號」（提供資產管理服務）牌。而同浦永灝一齊夾份開公司嘅，仲有曾任職大摩董事總經理嘅童致中，同埋曾經喺中國人壽富蘭克林資產管理、貝萊德同德銀做過嘅陸奕，睇嚟班底好強喎。
早喺七月嗰陣，仲畀絲絲唔覺意留意到佢哋公司喺求職網站登廣告請清潔員，睇嚟已經請到人，公司都正式營運緊。點解絲絲連求職網站啲廣告汁都撈埋？搵食啫。
余絲韻