理財Campus：80後樓神 炒技曝光

甫入Jerry的安樂蝸，就見設計簡約的大廳，純白色的牆身配搭數件傢俬，實用面積442方呎的單位尚算舒適。Jerry一二年買入位於元朗大棠尚悅十二座高層的單位，售價420萬元，以三成作首期，約126萬元買入樓花，於一三年二月入伙，現與太太同住。

當年29歲的他拿出逾百萬元上車，但他不是靠「父」幹，亦不是靠慳錢，而是靠投資眼光，早於○九年已決定買樓收租。

Jerry明言，冀再透過投資物業谷身家，成為千萬富豪。（何天成攝）

放大圖片

吼屯市配套佳受捧

任職地產代理的Jerry了解樓市行情，相信○九年香港樓價開始見底，看準屯門區發展潛力，故以逾10萬元作首期，買入屯門市中心一個作價約70萬元的單位，開始買樓收租。

「從投資角度睇，屯門市中心一直受買家追捧，不論流轉量、商場設施、交通配套及租金回報都受炒家歡迎，當時我出租回報有4.5至4.8厘。」

一○年本港樓市開始暢旺，Jerry伺機再入市，承做三成按揭，以近70萬元買入屯門市廣場一個頂層連天台的單位，當年售價183萬元。「屯門市廣場附近有另一個私人物業項目瓏門發展緊，我睇到樓市開始向上，加埋受惠瓏門樓盤嘅價格升幅，所以買嚟投資。」

放租時總遇上麻煩租客。Jerry稱，以為有些收入穩定、工作性質不錯的租客一定會交租，惟曾遇過教師租客失蹤，「有租客畀咗頭三個月租金，之後突然失蹤，結果要靠地產代理搵番租客，最後有1.5萬元租金追唔番。」

回報最高接近一倍

放租偶爾收不到租金，惟Jerry膽大心細，另與家人一起投資屯門區其他樓盤，賺取租金回報，同時坐享樓價升勢。他見近年樓價升幅明顯，分別於一○年及一三年先後賣出屯門市中心及屯門市廣場的單位，兩者合共賺逾200萬元。

「我一向嘅投資策略係，當樓價升到我嘅目標就放，好多人無論升到咩價位都去追就好危險。○九年市中心嘅單位由70萬元升到近90萬元，都有近30%回報。市廣場單位就升咗約一倍，都係我嘅目標價，所以就放，轉手再投資其他物業。雖然你話早放賺少咗，但可用同一筆資金投資其他物業賺番嚟。」

Jerry投資有道，靠物業投資把身家倍大，連同每年的人工及佣金進帳，輕易在數年間把身家升值至約400萬元。

直至一三年，樓市泡沫風險升級，政府突出手推雙辣招打擊樓市，市民購第二層樓就要徵收雙倍印花稅，令Jerry對本港物業投資卻步。「自從實施咗一系列樓市政策後，加埋環球經濟影響，我決定投資內地市場。上個月我買入一個位於中山市，價值62萬元人民幣嘅單位。」

後生仔Anytime可入市

他稱，看中該中山樓盤是因附近地區發展，當地有大型公路興建計劃，樓盤位於深中大橋入口附近，相信發展潛力大，料樓價有明顯升幅。

近期本地樓市交投淡靜，不少人認為港樓開始步入「轉角市」。Jerry認為，香港物業投資氣氛下滑，樓價將出現回調，惟跌幅最多僅15至20%，故物業投資前，要考慮個人投資時間及回報目標。「樓市有周期性波幅，但長遠一定係升。若年輕人有穩定收入及供款能力，要長線投資或自住，入市其實Anytime都可。想短線投資，就等樓價跌15%左右先考慮入市。」

港難搵食 放眼海外

他又指，香港投資物業的回報及難度較從前困難，建議投資者考慮海外物業。「海外地區好似加拿大等地，無雙倍印花稅，且無罰息期綁住，例如你買一個樓花，半年後睇啱價錢就賣得，唔似香港要畀罰息。」

Jerry作為八十後，○九年炒樓前身家僅近20萬元，在短短六年間，遇上香港樓市癲升，其身家升至逾400萬元。他明言，冀兩至三年後，透過國內外物業投資回報，令其身家升值至千萬元，成為香港千萬富豪。