永隆銀行存款部主管龔志明前排放大假，去咗東歐玩咗十幾日，點知佢同絲絲講今個Trip唔係歎足全程。何解？
佢話，去旅行之前，永遠係最開心最期待、心情係最靚嘅。佢話旅行開頭嗰兩、三日，心情都仲唔錯，覺得啲景點幾好睇幾有新鮮感。
之不過，去到第七、八日就開始覺得悶，東歐嚟嚟去去都係噴泉、廣場同埋大大細細嘅市政廳，係就係幾有風味，但就唔多夠刺激有趣囉。
去到假期尾段嗰幾日，先真正要命，事關個郵箱有幾百封未讀嘅電郵件等住佢，個假都未放完，Working Mood已經走晒出嚟。龔生，不如立即開始Plan下回旅行，咪即刻開心番囉。
余絲韻