絲絲講場：置地起家由一八八九講起

展出罕有圖片

置地依家喺交易廣場展出自1889年以來嘅公司及中環發展史。不如大家自己去睇，罕見檔案圖片乜都有，好過絲絲講。

香港置地執董羅謙信都話，個展覽解開咗好多人一直以來嘅迷思，原來置地廣場一帶嘅建築物，並唔係開埠以來公司就揸住喎。

佢話，太子行同皇后行（即太子大廈同文華東方前身），其實係1920年代被置地睇中，置地當時不惜賣晒灣仔嘅地，仲要將聖佐治大廈賣埋畀嘉道理家族，先至買到太子行同皇后行。當然其後嘅擴充，例如起約克大廈、買怡和大廈（舊稱康樂大廈），再發展成中環大地主等等，就已經係後話。

余絲韻