美國人一年食幾多Pizza？鬼知咩，斷估連賣嗰個都未必知；所以呢條問題擺明「玩嘢」，搲晒頭諗個正確答案，就輸晒啦！。專教人去高盛、Google、Microsoft呢啲大公司見工嘅顧問教落，答案實情可以亂吹，話20億平方呎都得，但記住要好似細個返學計數學題咁，講番條公式，即係講吓約莫有幾多人食Pizza、Pizza有幾大，再加番啲加減乘除咁囉。
呢個世界，硬知識識唔晒唔係太緊要，高盛總裁科恩（Gary Cohn）本身就係例子，當年佢喺高盛門口「搲撈」，明明唔熟期權都講到識，就畀佢入到行。科恩年薪1.7億港元之嘛！
余絲韻