上周成功在兩日的挾淡倉急升中，稍獲微利，本文即叫看官們轉攻為守，周五市況一彈即散。聯邦基金利率期貨所見，周中加息機會大約三分一，假如眾望所歸加息而最後唔加，股市反應仲係一半一半，惟市場上對九月加息未成主流下，耶倫一旦出手，股市震盪可大可小，故上周見破10日線偷襲成功，也講明有胡要食。
上周五走勢肉酸屬非戰之罪，始終經過周四的一彈不起，加埋周末假期，好友無心戀戰是意料中事，恒指最高見21,909點，差些少掂到20日線21,924點，突破阻力不成，埋單倒跌收場。議息前夕，今日無乜心水，若恒指上破20日線，會追三分一注，但唔會過夜，否則睇多兩日至算。
John Mullen