絲絲講場：會地出舖撐視障咖啡師
會德豐地產為培育視障咖啡師出一分力。佢哋將堅尼地城卑路乍街100號個迷你地盤，平租咗畀LEX Coffee經營咖啡店，間店請咗全港首名視障咖啡師張英華坐鎮，會德豐地產常務董事黃光耀仲即場試佢手勢，大讚水準十足。
間咖啡店舖位，會德豐地產常務董事黃光耀話，係集團土地儲備中最細嘅地盤，之前做過樓盤展銷廳，面積近1,600方呎，雖然地盤可重建住宅，但佢哋計劃長遠經營咖啡店。
咖啡店內義賣藝術品
集團同時喺間咖啡店內展示藝術品，部分可以出售，收益會捐畀香港失明人協進會。
余絲韻