升級選宅：月供一萬出入就腳

鴨脷洲海怡半島自成一隅，又與海景為伴，將來更有港鐵貫通，升值潛力大。但屋苑樓齡漸高，配套追不上時代，若想提升居住質素，隔岸的將軍澳無疑是合適的換樓選擇。調景嶺站通往港九各區便捷，啱晒小朋友返學，沽出海怡半島兩房居所，只需帳面補160萬元夠買都會駅三房戶，「升呢」住靚樓無難度。

都會駅

作為港島南大型藍籌屋苑，海怡半島除了三面環海外，又有海濱長廊、會所、商場等社區配套，加上未來南港島線（東段）尾站亦會設於海怡半島範圍內，衣食住行配套強勁。

海怡半島樓價趨高

不過，海怡半島的缺點是樓齡漸舊，入伙二十多年，會所及大堂追不上時代，若要兼顧子女在港島東區上學，更加要把握時機換樓。區內代理指，受惠南港島線效應，屋苑樓價漸逼近其他港島藍籌屋苑。一個實用面積500餘方呎兩房戶，普遍叫價720萬元。不過若要換樓，港島區的新進屋苑樓價高昂，又不划算，不如搭多幾個港鐵站，放眼隔岸的將軍澳私人屋苑更實際。