環海熱銷7成收租客

資金無出路 博收租

環海‧東岸主攻「迷你」單位，銀碼細，加上發展商提供二按，首期金額低至少於15萬元，昨日吸引大批買家到場揀樓，售樓處外大打蛇餅，場面熱鬧。

美聯物業住宅部行政總裁布少明指，近期股匯市場大幅波動，資金欠缺出路，適逢環海‧東岸有不少單位樓價三、四百萬元有交易，而且收租回報高，故即使樓花期長達三年，仍吸引收租客入市，估計比例高近七成。

九建市務及銷售部總經理楊聰永表示，該盤昨日揀樓速度明快，開售不足兩小時已有約100個單位獲認購，其中有逾20組客購入兩伙，涉及單位約50伙，而截至昨晚七時，該盤已售出超過300個單位，佔首批推售單位逾80%。

環海‧東岸買家入市各有各故事 麥包斥500萬慰妻 藝人麥長青（中）昨亦有到場。左為楊聰永，右為陳永傑。（黃永俊攝）	等3年樓花無有怕 張小姐：「環海‧東岸銀碼咁細，就算等36個月樓花、經濟差都無有怕啦，對樓市有信心，今次買入一個開放式戶收租，樓價跌都唔會跌得好多啦。」	買嚟萬五蚊放租 施女士：「從福建來港定居近20年，受人民幣貶值影響，近期想將資金轉入樓市作投資，故今次買入該盤一房單位，希望每月收租1.5萬元。雖然股市波動，失業率升，但對樓市有信心，相信唔會大跌。」

新盤料月錄2千成交

他對昨日銷情非常滿意，反映樓市「底子」厚，剛性需求強勁，集團正研究加推新一批單位，相信有加價空間。

貪佢夠平 按足九成 張先生：「在公營機構工作，就算經濟環境再差，都唔擔心會失業，見到環海‧東岸樓價夠平，仲有九成按揭，地點位於市區，交通方便，即使要等3年先至有得住，但仍然決定上車置業。」	幫囡囡畀首期上車 湯太：「本身已退休，今次入市希望幫個女一把，出首期，等佢自己供款作長線投資。呢7、8年樓價係咁升，就算美國加息及環球股災，樓價都唔跌得幾多，況且銀碼咁細，影響唔會大！」	幫阿仔上車 無得輸 梁先生：「經歷過沙士、金融海嘯後，依家股市波動算得係咩。今次幫個工作咗幾年的囝囝上車置業，個樓盤地點好，幾百萬銀碼又唔大，經濟點差都無得輸啦！」

中原亞太區住宅部總裁陳永傑稱，雖然近期本港失業率有惡化迹象，但現階段仍未影響到實體經濟，短期內對樓市影響有限，估計本月仍以一手盤主導，全月有機會錄得2,000宗；反觀大部分二手業主不肯減價下，市況將持續牛皮，本月成交量有機會跌至近2,500宗，淡靜程度與沙士時相去不遠。

慈雲山鑽嶺傳賣8伙

其他在售新盤方面，消息指出，以慈雲山鑽嶺的銷情較佳，昨日售出8伙，另大埔富盈門、將軍澳帝景灣、元朗爾巒、元朗尚悅、馬鞍山迎海‧駿岸均錄成交。

麥包斥500萬慰妻

藝人「麥包」麥長青：「拍完《樓奴》都想做樓奴，但苦無首期，見環海‧東岸有九成按揭，首期幾十萬，好過換車，所以斥近500萬元買一個一房戶送畀太太收租，即使經濟轉差，人總係要住，相信唔愁無租客。」