A股下周一才復市，港股今日冇咗A股呢個指南針，別以為可以鬆一口氣，反而有可能率先破底，以預示A股在閱兵行情結束後，下周復市會再殺落。
事實上，如今除中國經濟出問題之外，美股位高勢危，美息逆轉，全球資金大規模拆倉，震動非同小可。九月中旬聯儲局開會前，大家都有得震冇得瞓，既無章法可依，最自保當然係離場觀望，唔做唔錯。
國際油價跌咗咁耐，近日油組開腔對油價低迷表示關注，會否預示有減產行動，不得而知。但如今全球經濟生變，低速增長之餘，更要擔心中國經濟硬着陸，石油大賣家有難，對石油需求面影響大，加上伊朗恢復出口石油，若油組小量減產，料刺激有限，故年底前的國際油價走勢仍未許樂觀。
油價下跌，理論上有利航空股，但問題係新的不明朗因素又出現，包括人民幣走貶，以及全球經濟不景氣。呢兩個新的不利因素若然真係發展成一個趨勢，油價低迷亦不足以完全抵銷負面影響。在三大中資航空股中，國航（00753）的國際航線比重較多，外幣收入與成本結構較佳，且美元債比例較低，財務狀況亦較強，在行業逆境之中，有能力跑贏同業。
若人民幣真的繼續走貶，三者中又以南航（01055）盈利所受的負面影響最大。但無論如何，現時航空股未到吸納時，相信今年的低位在末季才會出現。
‧國務院總理李克強表示不必對中國經濟恐慌
‧財政部指正在抓緊研究深化國有資產管理方式改革方案
司慕渢