隔晚美股回勇大升619點，昨日中港股市都高開，但會唔會彈得一兩日再散就好難估。恒指昨日高開678點後無力再上，可幸滬綜指臨近尾市前抽穿三千點，帶動恒指最終升758點，報21,838點。雖然以收市價計，昨日是本周初裂口下跌以來最高，但後市能否回補最近之裂口22,185點，才是後市關鍵。
另外，期指繼續轉倉，即月期指日市有8.3萬張成交，未平倉合約6.2萬張，收21,795點；下月期指成交5.2萬張。國期日市收9,805點，升317點。策略上，昨日開市國期未到開倉價，就算尾市一度抽穿9,800點，但臨近收市無謂冒險，今日期指結算，既然隨時轉角，不如睇吓國期衝唔衝到上一萬點先算。
John Mullen