絲絲講場：張炳強收徒弟勁奄尖
英皇國際（00163）執行董事張炳強（Donald）尋日帶咗兩位徒弟出嚟同傳媒打招呼，仲講到佢收徒標準。
做足7日 半夜On Call
Donald話，首先係要讀相關科目，對地產有基本認識，最好有工作經驗。冇經驗呢？冇嘅話就要醒目、肯蝕底做多啲嘢。
Donald講明「做地產等於做7-11」，做得佢徒弟就一個星期要做足七日，半夜有電話要接。師徒每朝八點會去中環飲住茶Update吓行情。所以住喺新界嘅徒弟，五點就要起身。有記者即場爆咗句「咁咪仲慘過耕田？」而Donald兩位高足都只係微笑。EQ咁高嘅徒弟，絲絲都好想收番個！
余絲韻