面對熊市股民除咗「唉聲嘆氣」，其實都可積極面對，好似日本同印度股民各出奇謀慳錢轉運，而內地股民就傾向賣嘢，內媒報道，近日就有內地股民喺大街叫賣其寵物羊駝。
絲絲八到，日本有股民手頭上股票大縮水，佢就趁機利用日本上市公司送畀股東的優惠券食飯、換眼鏡、睇戲、健身，仲住埋酒店，完全無影響生活質素！印度股民就會去祈求象徵財富的象鼻神保佑股票「生生性性」。
內媒報道，昆明近日有隻白雪雪嘅羊駝出現在大街，身上掛住塊寫住「炒股失敗、神獸出售」嘅牌，原來係主人炒燶股票，迫不得已賣走身價高達10萬元人民幣的羊駝幫補開支。主人仲好唔捨得咁話，如果第時有錢會用雙倍價錢贖番佢返嚟！
余絲韻