暑假，又係大學生爭入投行做Intern（實習生）時候。多人爭，皆因呢個係入行踏腳石，投行會揀卒畀Offer，分分鐘連寫求職信都慳番。
畀條捷徑你入行，當然「使死你」。冇錯，真係有人死咗，兩年前有個交換生喺倫敦某知名投行做Intern，連通三晚頂之後喺宿舍浴室死咗。
高盛喺美國即刻帶頭「保護」啲Intern，禁止佢哋星期六留喺公司，其他大行都有酌量跟。
今年有個分析員Intern話，開工第一日就踩到凌晨兩點半，之後只不過係晚晚收10點半、11點半。有個大摩Intern就話，一星期冇110粒鐘咁誇，依家90粒鐘之嘛。（除開咪又係一日18個鐘！）
余絲韻