暴雨沖不散買家置業決心

樓價高企，市民為買樓可以去到幾盡？以標榜「港人港樓」的喜薈為例，首先要幸運地在逾6,600張登記中突圍而出抽到前籌，再在滂沱大雨下企街幾個鐘才可揀樓。買家要克服重重難關仍想置業，有的為了換樓改善居住環境，有的為子女覓安樂窩，反映時下買樓的港人心聲。

早前股災令不少人擱置入市大計，但只入一張票而「一擊即中」抽到頭籌的買家顏太把握運氣入市。她自言：「唔識股票，亦唔知依家樓市係咪高位，近排市況波動當然擔心，但始終係自住，樓價合預算就入市。」她斥800餘萬元買入三房單位換樓。

冒雨揀樓的岑先生大清早已到場等候，揀完樓簽完買賣合約終於鬆一口氣。他說：「喜薈售價唔算好抵，但屬合理水平，幫到仔女置業係好事，如果房協同區再有新盤推出，都想買多間畀仔女住。」現居於尖沙咀的岑先生，是次以940萬元購入喜薈三房戶。

昨傍晚終揀到喜薈單位的80後買家李先生，憑着做生意自食其力，希望改善居住環境。他指早前已賣掉同區實用面積300方呎的舊樓細單位，有感後市平穩趁機入市，昨日終以600萬元購入喜薈兩房戶，料補約200萬元達成換樓夢。他明言：「要住市區的話呢個價算合理，而且住大啲，居所又新啲，絕對值得。」

喜薈位處舊區，自然吸引不少街坊捧場，昨等候揀樓的準買家彭小姐並非盲目跟風。她指：「雖然有得揀樓，但仍視乎揀唔揀到心水單位，借二按夾硬上車更加唔會諗。」