黑客入侵 照片外洩
五年前Avid Life已經想喺加拿大上市，結果搞唔成，今次計劃喺倫敦招股集資2億美元，希望尋番個「第二春」。點知，上市方面都未有聲氣，今個禮拜就爆出有黑客入侵網站，全球3,700萬個客嘅資料外洩，除咗信用卡資料外，仲有客戶真名、同埋好多大家唔應該睇但會好想睇嘅相。Ooh la la！
業務敏感 Banker怕怕
其實就算無黑客，都仲有其他阻滯。AshleyMadison嘅業務咁敏感，聽講到目前為止，喺倫敦仲未多見有搞開IPO（招股上市）嘅Banker肯應承幫手。唔通啲Banker驚影響自己個朵，寧願接少一單生意？定費事唔覺意知道啲嘢，尷尬呢可。