絲絲講場 :小加狂牛上身贏三球

外國出差非「潛水」

上個月尾小加總裁喺上海陸家嘴論壇發表咗「A股安全論」後，今個月內地同香港股市齊齊冧，小加總裁之後冇咗影，好多人以為佢係咪「潛水」，查實佢一啲都冇潛水，只係七月上旬股市重挫時，佢咁啱去咗外國出差。

中銀岳毅落場競技

就喺過去呢個星期一（13號），小加喺香港，仲代表港交所，去同中銀香港（02388）踢咗場波，小加同中銀香港副董事長兼總裁岳毅兩個老總都有齊齊落場切磋球技。邊個贏？係港交所大勝中銀香港，仲係大比數四比一添。

其實小加係波牛一名，只要喺香港唔使出差嘅日子，佢一個月都平均踢兩場波。唔講唔知，港交所內部嘅足球文化不知幾濃幾多波牛，入面有成七、八個分隊，仲會打淘汰賽，早前佢哋仲同地區球隊和富大埔比試過，小加都有落場，不過嗰日落大雨，雙方都踢得好保守，最後港交所不敵對手輸咗。