「一放就亂，一亂就管，一管就死，一死就放。」今次A股的發展，原來只不過再一次印證以上十六字的中國特色真言。以為可以揸lift一樣控制股市的情緒，實在太高估自己，不明白中國人的性格。
經過如此呵護備至的救亡運動，最重要是反攻又快又勁，證明了依然值得賭。昨日大幅回吐之後，今日又是去到所謂真相時刻，到底如願死唔去，抑或從此一沉不起失去希望，很快便有分曉。
自己稍為傾向樂觀，會博又一次反彈，昨日的回落可以令投機者不至肆無忌憚。不過，限注買上是無所謂，一定要記住A股是鏡花水月，而且連棺材本都已經出埋，萬一轉眼又崩堤，就會無藥可救。
自己重新投入，可是工具上已經完全放棄個股，集中用期指及ETFs，純賭方向，出入彈性較大，如果又出事起碼走得快。
至於整體注碼則今非昔比，少了頗多。兩個理由，第一是今次證明了自己對A股欠缺信念，不會死守，震騰騰亦只會一味搶雞胡，既辛苦回報亦不高。
第二是希債危機似乎反而為其他新興市場製造了機會，在一片混亂之中，美國加息時間表可能推遲。這些市場低迷已久，有些值博率去跟進，而整個組合之中，撥作投機的比例是有個限制，既然要去印度南韓台灣等地方冒險，就要削減在A股的倉位。
相比之下，港股短期投機價值比A股更低，攻不銳不在話下，危機時一樣跌到足。倒不如豁出去炒A股，至低限度成交大又有賠率，看來港股被邊緣化是在所難免。
豐盛金融資產管理董事 黃國英（作者為註冊持牌人士）