上周五建議如開市見27,050點樓上會順勢開淡，按計劃當然得個睇字，惟見滬綜指無法完全回補即市下跌裂口再跌，也不理計劃沽了先算，結果捕捉到全日期指高低差距630點過半幅度。
今日期指結算，從轉倉溢價收窄，反映好友轉倉唔錫價情況稍見收斂，大市走勢轉差不無關係，沽空比率升至約11%，挾淡籌碼多咗。本來一心想着今早會衝開好倉，但周六人行突然打混合拳托市，樂觀角度對股市氣氛有利，但今日假如開得太高，例如26,950至27,100點之間，在招數短期已見過後，追好倉又似乎值博率唔夠。
John Mullen