阿里巴巴旗下阿里雲第一次嚟香港舉辦初創企業見面會，就話要幫香港的新創企業開展業務。演講者之一軟銀中國創業投資公司執行董事潘政榮就爆料話，依家阿里巴巴成日有人才流失，走咗去搞Startups（創業）。佢仲即場傳授咗幾招，教第一次創業的新丁點吸金。
第一，創業最重要係搵到方向。潘政榮話，好似阿里巴巴第一筆錢係建設領帶網站，但係馬雲眼光獨到，睇到O2O平台嘅大趨勢就轉型。
但係，方向正確都要時機配合，時機唔就一樣唔掂。他舉例，話有朋友提議想做美容O2O，但呢個Idea三年前可能Work，但今時今日做就絕對冇碇企，就咁話美容業sector唔夠細分，而且今時今日每個細分領域都已經有專家，依家先做一定冇機會。
佢又話，30%新創企業衰喺股權分配，股權分配會影響公司運作，投資人智慧同經驗好重要，因為可以比營運者管理公司上幫助。
佢又強調，新創企業最仲要有好團隊，當你冇啲好團隊，你會非常痛苦，就要去挖角，但呢一點可以透過人脈，通常可以用錢去解決。
俗語有話，唔怕神一般嘅對手，只怕豬一般嘅隊友。想搞Startups？就好好留意呢幾點喇。
余絲韻