又到做Summer Intern兼畢業季節，想爭入投行？點先無得輸？CV夠靚係必然，此外見工個Look似樣，即刻加分。點着先有投行Style？華爾街有專門公司教投行高層點着衫，客仔包括大摩同高盛嘅MD，間公司嘅創辦人Jessica Cadmus本身亦係高盛出身，依家佢醒大家幾招，等你着出投行Style。
咪以為做得投行一定身光頸靚，Cadmus大爆其實唔少華爾街高層根本唔識點襯衫，好多財俊仲仍然活喺四十年代，仲係去緊阿媽當年帶佢去嗰間舖買衫。邊間？貼士係B字頭。
好多男人買西裝會買大啲Size，諗住貪舒服，Cadmus話No Way！佢話西裝最緊要啱身，若套西裝大咗，就算名貴到值成10萬蚊，都一樣唔及套啱身嘅平嘢。佢又話今時今日，有咁多彈性布料加埋裁縫技術，啲西裝造出嚟，舒服到似着睡衣一樣。所以，男士們，咪以為樣樣嘢大就一定好。
余絲韻