海峰華軒賞避風塘靚景
夏天來了！出海暢遊最寫意，講地理優勢，香港仔可謂佔盡地利，搭船去鴨脷洲或南丫島都是瞬間即達。區內年輕物業海峰華軒與香港仔碼頭近在咫尺，一家大細隨時舉家出發遊山玩水，現時三房海景戶入場費700萬元。
坐落香港仔大道尾段的海峰華軒，距離香港仔鬧市僅五分鐘步程。物業樓齡僅十五年，屬海旁一帶較年輕的單幢私樓。物業以扇形設計，僅122伙，全部單位可望避風塘，而C及D室同時望遠海景，景觀開揚。
鄰近碼頭 遊離島方便
物業最大賣點是與香港仔碼頭僅咫尺之遙，搭船出海暢遊夠方便，坐街渡去南丫島亦只需15分鐘，是一家人去離島郊遊的好地方，隨意在小徑上行行走走，分外悠閒寫意。
如果想享美食佳餚，從香港仔碼頭搭街渡過對岸鴨脷洲可謂最方便，船程僅4分鐘，一眨眼就到。鴨脷洲大街上有多間地道食肆，歎海鮮就最啱，一家大細豈能錯過！
交吉盤一個 叫700萬
世紀21怡和地產尹美嫦表示，物業盤源少，目前僅一個交吉盤，高層B室，實用面積471方呎，望全海景，叫價700萬元，高於市價。雖然物業毗鄰正興建骨灰龕，但業主叫價依然硬淨，議價空間不足1%。物業交投疏落，近數月至今仍未破蛋。