讚哈佛洞悉科技機遇
校方話筆錢會用於擴建工程及應用科學學院，學院仲以普爾遜命名。係威喎。
普爾遜同哈佛有淵源o架。佢當年得高盛資助去哈佛讀MBA，一九八○年畢業時，佢仲係成績最好嗰5%尖子，所以佢覺得哈佛打開咗佢人生嘅大門，佢好感激哈佛。
佢仲讚哈佛嘅影響力大，會係下一個世界性嘅創新中心，又話哈佛洞悉科技嘅龐大機遇，就好似商界今時今日大手投資科技咁。
現名哈佛大學「約翰‧A‧普爾遜工程及應用科學學院」人才輩出，微軟前任CEO保曼都係校友。學院開嘅「電腦科學入門」聽講係最受歡迎課程之一，佢哋仲研發出識得自行組裝嘅機械人添。
余絲韻