對鍾意跑步嘅人嚟講，跑步，係一種生活態度。對搜狐CEO張朝陽嚟講，跑步係一種信仰，仲話自己目標係去西藏拉薩跑馬拉松。對搜狐嘅員工嚟講，鍾意跑步分分鐘有得升職。
張朝陽不嬲都鍾意玩運動，以前玩登山，仲上過青海玉珠峰，所以張總話過「早年公司的文化是登雪山，能登雪山的比較受重視」。依家佢鍾意跑步，咁鍾意跑步嘅員工，升職機會大啲？張總冇話唔係喎，仲唔快啲拎起對跑鞋。
雖然張總年屆50歲，但跑起上嚟唔係講笑。自從四月開始佢就係微博寫低跑步紀錄，好天跑，落雨又跑，連高海拔嘅玉龍雪山都跑埋。
話時話，張總呢排跑得咁高調，搜狐最近亦咁啱推出專講跑步資訊嘅「跑步頻道」。關於跑步，張總說的其實是……唔通係「跑步頻道」？！
余絲韻