港股早兩日唔跟A股升，昨日午後卻選擇跟A股跌，尤其午後期指客見無法重上27,400點，淡友稍為施壓，最低曾見27,106點，日市收27,188點。淡友短期控制大局，想等機會再買的實在只能繼續忍耐，等現貨跌近四月九日上升裂口位再諗。大市會否圓頂派發完成出現急墮，指數試26,732點之後的反應十分關鍵。
整體大市「縮窩」，在大市未完成橫行消化階段，對鍾情炒輪及做期權長倉的散戶不利。昨見即月恒指27,200點認沽期權，未平倉合約升近500張，打和點26,845點，睇落實唔多抵賭。
John Mullen