中國市場對Apple Inc.有幾重要？甚麼銷售數據，甚麼市佔率撼贏小米……嗱嗱嗱，乜都唔使同絲絲講，齋講以下呢樣夠晒，就係連Apple行政總裁庫克教主，尋日都喺新浪開咗個微博帳戶，嚟專冧中國客。See！
尋日下午三點，教主庫克就發咗佢第一條微博，仲係中英對照，三個幾鐘左右，到黃昏六點幾已經吸咗超過30萬個粉絲！
教主人生第一條係咁嘅：「你好，中國！很高興再次來到北京，並宣布創新的環境新項目」。
呢條微博訊息，係講緊Apple公布喺中國可再生能源領域同環境保護項目新進度。不過，果粉只在乎Apple產品，有人仲建議不如轉發微博送iPhone，網民話「我們的腎已經不夠賣了」。絲絲亦發現教主用嚟發微博嘅係iPhone 6，而唔係iPhone 6 Plus，佢鐘意細芒？
余絲韻