絲絲講場：李錦唔講輪轉教細路理財
唔經唔覺，法興證券環球股票產品部前董事李錦（Edmond）離開咗投行成個月有多，佢剛由澳洲探親返港，咁啱撞到，絲絲即問，做乜離開輪界？去邊？
報讀教育碩士深造
唔係跳槽，而係展開第二個工作人生。Edmond話嚟緊會全力透過課程、講座、電台節目咁，推廣兒童及青少年理財教育，由最簡單嘅儲蓄同分配資源開始教起，希望幫下一代提升理財EQ，建立正確正面嘅金錢觀。
佢終極目標係，希望兒童及青少年理財教育可以納入小學或唔好遲過初中嘅常規課程。而Edmond自己亦會繼續深造，仲報讀咗教育碩士課程添。
離開投身咗超過廿年嘅金融業，捨得嗎？Edmond話佢搞理財教育，唔係為錢，再唔做就可能錯失機會，係時候要坐言起行咁話。Edmond，加油！
余絲韻