印鈔公司保安點嚴密法？聽住喇。廠外圍有鋼製鐵柵、數碼錄影監察、門禁管理、金屬探測系統、防撞路障同石躉。
偷印港紙難過登天
入工場時仲要過多兩道厚重鋼閘，過咗第一道，仲等啲人員關好，先開第二道，工場入面更有每日24小時全年無休嘅監控嘅控制中心。
曉印銀紙梗好過齋偷銀紙，所以印鈔技術保安先咁嚴密。查實安全防線唔止工場咁簡單，香港印鈔嘅原料供應商來自世界各地，而且只賣畀經政府核實嘅法定印鈔公司。想買原材料偷印港紙，可能難過買鈾元素。
唔講唔知，港鈔除咗防偽特徵夠堅之外，仲經過最嚴格嘅檢測：就係喺攝氏90度高溫下用工業用洗衣粉洗足兩個鐘，無破損先可以出街。
余絲韻