理財Campus：學生股神大時代戰績

Harvey：全盤部署 誓賺100萬

曾經參加大專模擬投資比賽並獲得亞軍的樹仁Harvey，現實中炒股亦非常了得。過去他不斷分注吸納工商銀行（01398）、中國銀行（03988）、中芯國際（00981）及中國航空工業國際（00232），最終讓他賺得十萬元回報。但他仍不甘心，誓要兩年內靠炒股賺一百萬。

選股考眼光 拒跟風

「工行我揸咗好耐，上年十二月就買埋中行及加碼買工行。因為工行的股價一直落後內銀股，而中行的AH差價較大，故決定選擇這兩隻。」

港大Stephen鍾情大價股夠穩陣及有上升潛力。

中大Eric表示，希望最終能靠投資達到財務自由。

他表示，雖然內銀存在壞帳等問題，惟認為其基本因素長遠可改善，故相信股價定可創歷史新高。至於中芯國際及中航工業，Harvey認為兩隻股票行業前景理想，於去年開始吸納。

他表示︰「我揀股係透過預測中國唔同行業的前景，並不是靠消息。因為當我知道消息的時候，股價已炒起，我入貨只會買到貴貨，咁不如自己做定預測。」以他入市價計算，中芯國際及中航工業均升逾30%。

學系：樹仁工商管理學系

本月炒股回報：50萬賺10萬（賺20%）

挫敗經歷：遲放紫金礦業（02899），數分鐘內蝕1萬元

炒股金句：炒股要贏錢，係要預測消息，而非等消息出現才行動。

Stephen：情傾藍籌 股輪齊落注

港大Stephen鍾情大價股，貪其穩陣及有上升潛力，故早前已買入騰訊控股（00700）、中國移動（00941）及港交所（00388）。他見股價持續向上，更不惜動用資金買窩輪，助其投資本金升值逾八成。

「當日九點半見港交所不停向上，所以182元追入，喺200元沽出。之後見到愈來愈多人買，所以220元再次追入，240元沽出。其實我睇住佢升到300元，但我無買到。」同時，他亦買入港交所窩輪，「我見到港交所開始升，相關窩輪就會升得快啲，因為槓桿原理，仲可以快啲賺多啲。」

社媒設群組 切磋炒藝

雖然港交所回報有約五萬元，惟Stephen亦曾睇錯市，蝕一萬二千元。他表示︰「中移我之前係買窩輪做淡，但唔好彩睇錯咗，結果蝕咗一萬二千元。嗰陣真係嚇一嚇，唔敢再買窩輪，見中移便宜就買番正股。」

Stephen亦特意開設facebook群組，邀請一眾同學加入討論，希望大家在牛市中獲利。

學系：港大會計及財務學系、商業設計及創意產業管理學系

本月炒股回報：13萬賺11萬（賺84%）

挫敗經歷：買中移輪輸1.2萬元

炒股金句：投資最想贏自己對市場的理解和分析，最怕輸別人對我的信心。

Eric：回報一倍 信炒股發達

中大Eric今個月炒股賺到盤滿缽滿，把五萬元投資本金滾大至十萬元，更把成績分享至facebook，吸引一眾朋友向他拜師學藝。短短一個月本利和就能變十萬元，令他深信炒股能夠發達，並希望最終可以靠投資達到財務自由。

攻細價股 fb晒戰果

能夠把五萬滾大一倍，Eric感到沾沾自喜，把戰績上載facebook，寫道︰「呢個時期，其實搵錢都唔係好難啫！」隨即引起朋輩熱話，瘋湧要求Eric教路炒股秘訣。

他指，過去一直透過分析財技及盤路選擇細價股，但要等待股票炒上可能要一段時間。然而，恰巧遇上牛市，細價股升幅超乎預期。他表示︰「無預到升得咁快，因為我用財技選股要等待異動，但大市向好，就可以趕上呢個升勢，大幅炒上。」

雖然每隻細價股投入的資金約為五千至一萬元，惟「密食當三番」，整體回報算是理想。他說︰「升幅最勁係星美控股（00198），當時約0.3元買入，而家仲揸住，賺咗都有兩倍幾。」（股份昨收報1.07元）

初生之犢不畏虎，在大上大落的股市，Eric坦言不怕輸錢。「依家仲係大學生，最多輸晒啲錢，大把機會回本。反而想最短時間內賺到首期，長遠希望靠投資賺取穩定收入。」

學系：中大工商管理學系

本月炒股回報：5萬變10萬元 （賺100%）

挫敗經歷：高追同日掛牌的三和建築 （03822） 、雅駿控股 （01462） 及衍生集團 （06893） ，1日共蝕逾1萬元

炒股金句：投資先可以發達，只靠打工難發達。