張華峰睇好 港交所見$330
立法會金融界議員張華峰稱，今次港股牛市並非單純由熱錢或是市盈率偏低帶動，而是配合中國的金融政策，故不會是「資金炒完就走」，今次股市升幅的基礎很穩陣。
「可維持千幾億成交」
他認同港股成交大會成為新常態，「唔好話日日一定有2,000億元成交，長遠每日保持有一千多億元成交應不是問題，絕對唔會回番落六、七百億元的水平！」張華峰續稱，「何況依家來港的只係先知先覺的smart money（聰明錢），內地公募基金可透過港股通來港投資的錢都仲未嚟！」
港交所（00388）行政總裁李小加也認為，大部分內地老基金現仍在辦理來港投資手續，故現時來港資金都不是老基金。
張華峰稱，「港交所盈利條數好易計，去年日均成交700億元，依家成交額有千幾二千億元，盈利最少double（一倍）！若國家政策沒改變，港交所只會係大漲小回格局，今年一定見330元。」
張華峰早前趁港股回吐撈港交所，是否已食胡？「既然我睇好，又點會唔持有港交所？但會分開短線、長線，短線見升得急就放啲，低又撈番啲！」