尋日內地一個公開場合上，王健林直問阿里巴巴主席馬雲想唔想加入，仲自比為《水滸傳》三條好漢晁蓋、宋江同吳用，要「逼」馬雲上梁山。
但馬雲即刻話，梁山嗰108條好漢其實係無願景，仲話王健林三個似「湊攏班子」，意思即係「湊腳炒埋一碟」。
馬雲點解會窒得咁應？事關王健林佢哋呢個大佬組合，有個花名叫「玩淘寶」。
哦，有人聯手向自己挑機，馬雲難免嬲嬲豬，佢尋日仲話，王健林需要改革轉型，佢深刻明白，至於王嗰另外兩位兄弟呢，馬雲覺得佢哋諗住「反正也不是我出錢，我出一點點錢，有人去搞阿里，我覺得很高興」，直接到呢。