絲絲講場：狂野時速7收得關央企事？
呢排Hit爆嘅《Fast & Furious 7》（狂野時速7），不單橫掃全球票房大收10億美元，喺內地亦破咗開畫首日紀錄，內地8日票房收成2.5億美元。點解咁勁？皆因有後台。
中影入股近10%
乜後台？就係央企中影集團。絲絲聽聞，呢套戲中影集團入股近10%，難怪內地戲院一間二間都幫套戲開路，套戲話咁易就攞到院線優先檔期。今次套戲大收旺場，帶挈中影賺到笑，中影絕對係大贏家。
中影乜背景？單睇佢○九年負責中國兩套建黨建國電影《建黨偉業》同《建國大業》，佢背景幾「紅」，唔使再解釋。