今次，滙豐搵咗幫襯多年嘅五位老客戶拍廣告，齊齊回味同滙豐喺香港植根一路成長嘅歷程。
襯托植根香港形象
呢五位客戶，好多大家都識。嗱，有蘭桂坊控股、李錦記、玩具製造商永和實業、上市公司聯泰（00311）、社交媒體與手機遊戲開發商6waves。
滙豐香港工商金融主管陳樑才亦話，今次嘅廣告對集團嚟講好有意義，因為刻畫咗五家香港企業嘅動人故事，佢哋做咗滙豐客戶嘅年期，加埋有成200年。
呢啲公司同滙豐一樣植根香港，喺呢度出世同成長，由小企業做到今日嘅國際規模，而且仲一開初就幫襯滙豐，有啲同滙豐一齊行咗成大大話話超過50年，經歷咗幾代接班人，乜風雨都經過晒。
余絲韻