想一年飛多幾轉日本，又想平平哋？
絲絲收到風，就快又多一間廉航開通香港至東京航線喇！慶祝開航，實推優惠機票，聽講個價低至88蚊。嗱，絲絲提咗你，自己吼實早啲去搶飛喇。
話時話，又係88蚊咁蹺？早排廉航捷星航空開通香港至新加坡航線，都係以88蚊單程做招徠。
另外舊年廉航香草航空開通香港至東京航線時，又係推單程88蚊去吸客！究竟88蚊係航線開航嘅意頭幸福冧巴？定係落多一蚊到87就已經低過成本呢可？
余絲韻