夠膽落疊 風險自理
呢位Dan Andersson係一位NLP培訓師，即係教人點樣自我提升嗰類，唔怪得現場咁多大媽同大叔爭住同佢影相。
Andersson話要做得大過Bitcoin，又話覺得數碼貨幣仲有市場，又話當年Bitcoin唔夠經驗先搞成咁。
咁佢哋投資咗幾多錢搞呢個交易平台？Andersson話唔方便透露。LEOcoin邊到用到？佢話共3.1萬家商戶接受使用，嚟自41個國家，多數係斯洛文尼亞、印度、中國，即係多數係發展中嘅國家！
見識過Bitcoin後，你仲敢唔敢？絲絲就要諗諗。
余絲韻