有咩嘢人係唔計較願意花多幾個錢嘅？肯定係搞緊結婚嘅新人，就算唔使坐馬車出場加射燈升降台嘅婚禮，都至少會去轉蜜月旅行，而且佢哋通常都諗住真係一世人一次。
呢一點，專業旅運（01235）肯定亦都睇到，佢哋尋日宣布入股一間婚禮統籌服務公司「唯您活動策劃」嘅60%股權，原股東劉智仁就會保留餘下40%。
絲絲醒起，賣股出嚟嗰位劉智仁（Tim），有個朵叫「婚嫁達人」，佢仲出過專書教人籌辦婚禮。聽講佢自己求過三次婚，其中一次都係喺去布吉旅行時求嘅。你睇，結婚同旅行幾大關係。
專業旅運今次作價雖然只不過係50萬，但協同效應照睇多唔知幾多倍。咦，咪住，Tim求過三次婚？即係點？你估吓。
余絲韻