點解啲大企業賣仔時，通常都唔可以好哋哋咁將個仔成個賣，硬係興拆骨咁賣？出自專家或者自以為係專家嘅理論，絲絲就聽唔少啦，但係點都唔及得上招行（03968）行長田惠宇尋日講嘅「賣豬肉」咁精警！豬，原來係要咁賣嘅！明晒。
話說田總八三年喺安徽讀書時，佢喺農村買一斤豬肉先7毫3，佢之後去上海讀大學，同樣要買豬肉，點知人哋竟聽唔明！原來上海係無「豬肉」賣，只有「大排」、「小排」、「紅燒肉」同「糖醋小排」，仲要樣樣都唔同價！
田總話：「上海畢竟是大城市，先進啦！你看一頭豬他都給細分，結果整體加起來賣一斤豬肉肯定比安徽的7毫3貴，上海人真聰明。」
受到「賣豬肉」啟示，田總話招行賣「大排、小排」都有興趣，不過要睇市場條件同政策環境。唔通真係打算將招行拆骨賣個好價？
余絲韻
