將軍澳租客吼天水圍上車
上車難，用家只好愈住愈遠，現租住將軍澳私人屋苑的劉先生一家，見租金愈來愈高，有意選購400萬元以下單位置業，近日鎖定較偏遠的天水圍。劉太坦言，該區交通不及將軍澳方便，但始終較平，想睇下有無得入市。
400萬元叫價超預算
不過，昨早睇完居屋，下午再睇栢慧豪園等私樓的劉太表示，原來天水圍樓都唔平，聽到區內較新的私樓亦要「四字頭」時，不禁說「嘩！咁都要400萬元！」。她估計今年樓價跌幅不大，如果天水圍的樓價仍高於預期，會繼續租樓。
祥益蕭嘉偉稱，政府加辣後，買家期望樓價下跌，但業主叫價依然企硬，買賣雙方拉鋸令交投下跌。該行黃肇雯稱，天水圍區睇樓量回升，相信是買家開始「做功課」，而加辣後嘉湖山莊成交量按月跌一半，但租務成交卻上升兩成。