多得新能源汽車嘅Chips帶挈，先進半導體（03355）一四年盈利按年勁升2.88倍，佢哋總裁王慶宇（Jeffrey）非常睇好新能源汽車後市，皆因國家推動環保。咁Jeffrey自己又揸咩車呢？
點知Jeffrey話同老婆為買電動車拗唔掂，老婆指明要Tesla，但Jeffrey嫌Tesla貴，話國產車都好靜呀，夠用咁話。
不過，事實係佢平時做嘢忙，根本無乜時間揀車，所以平日仲係揸緊汽油車。佢話，即使係都寧揀電動汽油混能車，驚純電動車行行吓唔夠電。
佢又話，自己住上海，由屋企返公司20公里距離都塞兩粒鐘，揸車其實painful咁話。結果，佢嘅結論竟然係：還是公共交通工具好，更環保！
余絲韻