絲絲講場：老闆創業蹺妙話你知

第一，創業前首先要做個「成功嘅伙記」。壹照明（08222）創辦人兼大股東許國強話，創業要先培養自身能力，然後至好嘗試做相應嘅生意。「賣燈好叻嘅Sales，就可以去做燈飾公司老闆」，絕對就係佢自身例子。

許國強：多Skill就贏人

第二，咪以為畢咗業就算，讀書唔嫌多嘅。許國強大學讀地理出身，到○八年佢四十幾歲，做咗燈飾公司老闆十幾年，都走去再讀設計碩士，理由？只係想知設計師點諗嘢。佢話「做生意就算叻，實有人叻過你，但係多個Skill呢，（人哋）就未必叻得過你嘞！」

鄭敦木一周做足七日

第三，咪以為創業齋食腦，之後有幾投入先至係決勝分。長港敦信（02229）主席鄭敦木就係全身投入嘅人辦，佢話「有甚麼好的事都是以公司為主」，佢唔係齋講，佢真係一個禮拜做足七日。

咁佢幾時休息？佢公司同事話，就係佢需要瞓覺時。原來，鄭敦木平日同幾個公司高層喺辦公室歎茶傾偈，既唔係做緊運動，又唔算辛苦，就當係唞咗喇！

鄭敦木話「畢竟我們都四十多、五十多（歲），哪能這樣慢慢等呢？」收到無？你準備好未？

余絲韻