絲絲講場：王健林公子唔受得質疑
內地超級富豪大連萬達老闆王健林位公子王思聰，一向自信爆燈言行出位。阿爸王健林最近話後悔送阿仔出國留學，搞到阿仔有「嚴重智商優越症」，即係唔受得人哋質疑自己嘅智商同能力。絲絲睇得出睇得出。
未必傳位畀個仔
王阿爸又講到傳承問題，話自己思想開通，公司唔一定要傳畀自己個仔。真的嗎？阿爸未講完，佢話個仔接到棒當然好，唔得就搵專人管理，阿仔做大股東就可以，哦！原來如此。
王健林仲大讚阿仔有志氣，因為阿仔話會自己創業，仲話會收購番萬達添。絲絲衷心希望「嚴重智商優越症」呢個病有得醫。
余絲韻