小米創辦人雷軍近日叫大學生千祈咪借錢創業，話因為大學生創業失敗率非常高喎。
吓，唔通又係成功須父幹？但我爸不是雷軍，咁錢從何來？業又點創？雷軍一覺扎醒就創辦咗小米，佢自己係咁講。
話說佢40歲時有一晚，係夢中扎醒，感覺就好似第二日要考試咁，問自己仲記唔記得細個嘅夢想？願唔願意為夢想去努力一生？結果佢就係咁樣，喺二○一○年創辦咗現時市值過千億嘅小米喇。
講完夢想，返嚟現實，咁到底小米啲錢點嚟？聽講小米創立時得過創投嘅融資，呢幾年亦得到唔少投資者鼎力支持，啲融資次次計落都係差不多百億百億港元。多得咁多位落力揼水，小米估值係4年間暴漲咗200倍，雷軍仲話有信心小米市值會達1,000億美元。
Well，絲絲自問才疏學淺，唔係好睇得出融資同借錢有乜分別添。
余絲韻