不惜重本留人才
昨日內地金融圈個個都講緊銀河證券，何解？皆因有傳佢哋嘅自營部門今年花紅極之豐厚，有幾厚？人均有成四百萬人仔落袋，厚到絲絲真的不敢相信。
A股大牛市，券商花紅高處未算高。根據統計，內地一百二十家券商往年整體純利勁升咗1.2倍，完全係豬籠入水，對班辛苦咗成年嘅員工疏爽啲，都係應該嘅。有證券業員工話，A股接連六、七年熊市，年年都聽到減薪、裁員嘅消息，都霉咗好幾年，一味望住啲科網公司嘅花紅流口水。難得今年市場大旺，加上近排有好多人跳槽去私募行業，中小型券商又肯花錢撬人過檔，為咗留住人才，派花紅豪啲都好正路。
余絲韻