絲絲講場：置地廣場「羊」溢八彩歡樂
雖然羊年仲有兩日先到，但絲絲行過置地廣場，已經見到好多好多八彩嘅羊咩咩，數吓數吓，都有成185隻咁多，綿羊、山羊、公羊，咩嘢羊都有，有啲喺置地廣場中庭、有啲喺置地歷山，又有啲喺置地太子。
羊仔留到25號
呢個係置地廣場今年嘅重頭賀年活動，聽講特登揀咗八隻喜慶顏色做主題：藍、蔚藍、綠、薰衣草紫、橙、粉紅、紫與黃，為大家喺新一年帶來新能量。除咗八彩羊咩咩外，仲有軟綿綿嘅雲，又有桃花樹，兼且有埋小橋添，咁奇幻瑰麗嘅場景，喺邊度搵？想同啲八彩羊咩咩影番輯靚相，就要快手，聽聞啲羊咩咩到今個月25號後就走o架喇。探羊咩咩之餘，仲可以行入米芝蓮餐廳歎番餐，聽講仲唔止一間添，邊間？喺置地慢慢發掘啦。
余絲韻