孖妹S檔案：本地專家：忌有胡唔食

林：英皇證券銷售部副總裁 林建華（Anthony）

Kitty：玄學術數係預測股市走勢嘅另類指標。孖妹聽聞羊年喺堪輿學上屬轉折年，投資上點先可以出入（股市）平安、長賺長有？

英皇證券銷售部副總裁林建華	一五年美股勢漲三大歷史因由	港版神算預測

沈：乙未羊年呈「財多身弱」格局，過往「財多身弱」格局嘅年份，股市多先升後跌，最終跌市收場。雖然歐亞「放水」（財多），但經濟疲弱（身弱）受唔起。若配合技術分析，港股今年有機會步入牛市三期最後升浪。正所謂「有胡唔食、罪大惡極」，股市波動加劇下，緊記逢高沽貨，切忌長揸。

年初五（下周一）應對股市有利，羊年首個交易日估計可升200至300點，但二月整體則較反覆，宜以中短線為主。

林：乙未羊年表面上好多投資機會，實質暗藏危機，投資者要識得去槓桿化，減輕孖展比率。估計恒指可於今年農曆六月（新曆七月）升至最高位26,500點，全年低位會喺20,000點以下。

金價有望回穩向上，料年底高見每安士1,350至1,400美元；油價料短期企穩，年中回升，年底再次回落。流年凶星喺西方出現，所以匯市方面，歐羅繼續有危機，又料日圓企穩、人民幣繼續貶值。