內地樓市無以往「咁好景」，唔少內地房企都開始轉型作多元化發展。萬科（02202）作為內地嘅龍頭房企，亦都有打算增加海外投資。
主席王石近日就提到，除咗房地產之外，機械人都會係萬科未來的投資目標之一，主要都係睇準中國人口老化加劇，年輕人又未必願意做基層勞動力工作，所以機械人有好大嘅發展空間！
王石近日出席公開論壇嘅時候，仲提到話萬科喺海外只會投資同房地產、城市配套相關的行業範疇，好似污水處理、垃圾發電之類，但唯獨是有一個領域例外，就係「機械人」﹗
佢對機械人情有獨鍾，相信機械人會好快普及，服務社會，因為中國依家已慢慢步入老年化社會，新一代唔願意再做勞力工種，加上人力成本非常之高，機械人就正好幫手做保安、清潔、老人社區服務等等嘅工作。
絲絲都非常之好奇，唔知將來喺萬科嘅屋苑門口，甚至乎喺屋苑會所周圍，會唔會見到有機械「看更」、機械清潔工、機械園丁、機械「Sales」咁呢？
余絲韻