絲絲講場：黃靜怡辛苦換來貼身裙
尋日絲絲參加咗美聯集團嘅周年晚會，主題係「今夜星光燦爛」，集團副主席黃靜怡尋晚就着咗紫色晚裝到場，佢話希望可為樓市添色彩喎，佢話條裙唔係咩大牌子，只係喺普通Boutique買，出自本地設計師手筆。
黃靜怡條裙都幾貼身，佢話舊年做嘢辛苦，加上做運動，最近瘦咗成五磅咁多，所以先着到條裙。
黃建業領軍跨「紅海」
之後晚會開始無耐，九龍區前線上台表演，唱張國榮Ｍonica首歌時就改咗歌詞，唱成「Thanks thanks thanks thanks黃小姐」，即刻引起一陣歡呼聲。而佢爸爸、集團主席黃建業喺晚宴現場就話，「成敗論英雄，政績分高下」，為去年集團建立9大政績，帶領美聯扭虧為盈，再跨「紅海」。
黃靜怡又講，去年集團表現卓越嘅員工，最高可以獲派發逾三個月的花紅，現場歡呼聲再起。
余絲韻